Snjóþyngsli Yngsta kynslóðin kættist ákaflega þegar mikið snjóaði.
— Morgunblaðið/Eyþór
Nýliðinn janúar var tiltölulega kaldur, sérstaklega á Norðausturlandi. Mánuðurinn var hægviðrasamur miðað við árstíma.
Þetta kemur fram í tíðarfarsyfirliti Veðurstofunnar. Bætist janúar í hóp kaldra mánaða á þessum vetri.
Hlýindi og miklar rigningar um miðjan janúar ollu miklum leysingum og flæddu ár og lækir víða yfir vegi og tún.
Töluverð snjóþyngsli voru á Austurlandi í mánuðinum. Þar snjóaði óvenjumikið þann 20. og mældist snjódýptin á Austfjörðum með því mesta sem vitað er um í janúarmánuði.
Snjódýptin mældist mest 90 sentimetrar á Dalatanga. Það er mesta snjódýpt sem mælst hefur í janúarmánuði frá því að mælingar hófust þar árið 1966. Einnig mældist snjódýptin óvenjulega mikil í Neskaupstað (85 cm) og á Hánefsstöðum
...