Sögur Tókýó-Montana hraðlestin ★★★★½ Eftir Richard Brautigan. Þórður Sævar Jónsson íslenskaði. Ugla, 2024. Kilja, 311 bls.
Stopp Richard Brautigan ásamt Michaelu Le Grand sem hann lýsti sem músu sinni. Myndin birtist á forsíðu nóvellunnar Silungsveiði í Ameríku sem hann kláraði 1961 en kom út 1967.
Stopp Richard Brautigan ásamt Michaelu Le Grand sem hann lýsti sem músu sinni. Myndin birtist á forsíðu nóvellunnar Silungsveiði í Ameríku sem hann kláraði 1961 en kom út 1967. — Ljósmynd/Erik Weber

Bækur

Einar Falur

Ingólfsson

Eftir að hafa lesið sögur Brautigans næstum allar á undanförnum áratugum, og sumar nokkrum sinnum, þá náði ég nú loksins að húkka far með hraðlestinni, þessari bók sem margir hafa haldið upp á út um löndin, en var lengi samt svo erfitt að hafa uppi á þegar höfundurinn var dottinn úr tísku. Hann fyrirfór sér tæplega fimmtugur 1984 og þá þegar var hætt að endurútgefa bækur hans sem höfðu verið vinsælar en urðu vandfundnar, jafnvel í heimalandi höfundarins, Bandaríkjunum. Þegar ég var búsettur vestra um áratug eftir að Richard Brautigan lést, þá þræddi ég fornbókaverslanir og tókst á löngum tíma að eignast næstum allar prósabækur skáldsins og naut þess að lesa – var sannkallaður aðdáandi, nema ég náði aldrei að komast með hraðlestinni, hún var alltaf nýhorfin út

...