Erlendir aðilar hafa kynnt áform um uppbyggingu á hóteli og ferðaþjónustu fyrir botni Hvalfjarðar. Hyggjast þeir leggja áherslu á náttúruferðamennsku samhliða mikilli skógrækt. Gert er ráð fyrir gistingu fyrir allt að 200 gesti á hóteli og í minni…
Hugarró Hótelið, sem er hringlaga byggingin á myndinni, verður skammt frá gamla Botnsskála í Hvalfirði. Fossinn Glymur verður stutt frá hótelinu.
Hugarró Hótelið, sem er hringlaga byggingin á myndinni, verður skammt frá gamla Botnsskála í Hvalfirði. Fossinn Glymur verður stutt frá hótelinu. — Teikning/Architectuurstudio SKA

Höskuldur Daði Magnússon

hdm@mbl.is

Erlendir aðilar hafa kynnt áform um uppbyggingu á hóteli og ferðaþjónustu fyrir botni Hvalfjarðar. Hyggjast þeir leggja áherslu á náttúruferðamennsku samhliða mikilli skógrækt. Gert er ráð fyrir gistingu fyrir allt að 200 gesti á hóteli og í minni gestahúsum ásamt veitingarekstri, náttúruböðum, útivist og annarri ferðatengdri þjónustu.

Þessi ferðaþjónusta verður að Litla-Botnslandi 1 sem er um 12 hektara óbyggð jörð skammt inn af gamla Botnsskála. Heildarbyggingarmagn svæðisins verður allt að fimm þúsund fermetrar.

Tillaga um breytingu á aðalskipulagi vegna þessara áforma er nú í kynningu. Í henni kemur fram að auk hótels verði þar reist lítil gestahús, viðburðahús, starfsmannahús og gróðurhús. Þar verði einnig veitingarekstur

...