Selfyssingur Ísak Gústafsson spilar í Danmörku á næsta tímabili.
— Morgunblaðið/Eggert
Danska handknattleiksfélagið Ringsted og Selfyssingurinn Ísak Gústafsson hafa komist að samkomulagi um tveggja ára samning. Tekur samningurinn gildi í sumar, eftir yfirstandandi tímabil. Ísak, sem er 21 árs, lék með Selfossi þar til hann skipti yfir til Vals sumarið 2023. Þar hefur hann verið í stóru hlutverki. Ísak hefur verið frá keppni síðan í nóvember vegna meiðsla. Hann hefur skorað 46 mörk í tíu leikjum í úrvalsdeildinni í vetur.