Skalli Eiður Gauti Sæbjörnsson, sem skoraði mark KR, skallar að marki Fylkis í gær. Ragnar Bragi Sveinsson, sem skoraði fyrir Fylki, fylgist með.
Skalli Eiður Gauti Sæ­björns­son, sem skoraði mark KR, skall­ar að marki Fylk­is í gær. Ragn­ar Bragi Sveins­son, sem skoraði fyr­ir Fylki, fylg­ist með. — Morg­un­blaðið/​Karítas

Fylk­ir tryggði sér í gær­kvöld sæti í úr­slita­leik A-deild­ar deilda­bik­ars karla í knatt­spyrnu með því að leggja KR að velli, 2:1, í undanúr­slit­um í Árbæn­um. Sig­ur­mark Fylk­is kom á þriðju mín­útu upp­bót­ar­tíma.

Fylk­ir mæt­ir annaðhvort Val eða ÍR í úr­slita­leikn­um. Þau mæt­ast á þriðju­dags­kvöld á Hlíðar­enda og úr­slita­leik­ur­inn fer svo fram næst­kom­andi laug­ar­dag.

Í gær­kvöldi var það fyr­irliðinn Ragn­ar Bragi Sveins­son sem kom heima­mönn­um í Fylki í for­ystu eft­ir átta mín­útna leik þegar hann skoraði beint úr auka­spyrnu.

Eiður Gauti Sæ­björns­son jafnaði met­in fyr­ir KR á 37. mín­útu þegar hann slapp einn í gegn eft­ir skynd­isókn og skoraði. Þegar virt­ist stefna í fram­leng­ingu skoraði Eyþór Aron Wöhler, sem kom til Fylk­is frá KR, sig­ur­markið á þriðju mín­útu upp­bót­ar­tíma er hann slapp í gegn og lagði bolt­ann fram hjá Hall­dóri Snæ Georgs­syni í marki KR.