Akkur telur Kviku vanmetna á markaði

Al­ex­and­er J. Hjálm­ars­son hjá Akk – grein­ingu og ráðgjöf hef­ur gefið út nýtt verðmat á Kviku. Þar kem­ur fram að mark­gengi sé upp á 25,7 krón­ur á hlut. Gengi bréfa bank­ans á markaði er rétt und­ir 20 krón­um á hlut og því van­metið.

Al­ex­and­er bend­ir á að Kvika sé frá­brugðin hinum bönk­un­um á Íslensk­um markaði að því leyti að það sé mik­ill vöxt­ur fram und­an hjá bank­an­um og því þurfi að meta hann á ann­an hátt en ella.

Bent er á að bank­inn sé með metnaðarfull mark­mið um að tvö­falda lána­bók sína á næstu þrem­ur árum. Einnig séu lík­ur á að auk­in um­svif verði í hag­kerf­inu á næst­unni sem leiði til stærri verk­efna á fyr­ir­tækja­sviði, bæði á lána- og ráðgjaf­ar­hlið bank­ans. Verðbréfa­markaðir séu að taka við sér sem muni aft­ur þýða auk­in um­svif fyr­ir bank­ann í miðlun og eign­a­stýr­ingu.

Al­ex­and­er bend­ir sér­stak­lega á að fjár­fest­ar hafi al­mennt verið nei­kvæðir á starf­semi Kviku í Bretlandi og það sé því verk­efni stjórn­enda bank­ans að styrkja og skýra rekst­ur­inn.