Ítalski bílaframleiðandinn Lamborghini og enski barnavagnaframleiðandinn Silver Cross hafa framleitt einn dýrasta barnavagn dagsins í dag. Vagninn kemur í takmörkuðu upplagi en aðeins fimm hundruð eintök verða framleidd. Hann mun kosta í kringum 900 þúsund krónur.
Vagninn, sem heitir Reef Al Arancio, er framleiddur úr hágæðaefnum eins og rúskinni og ítölsku leðri. Hann er svartur að lit með appelsínugulum smáatriðum sem gera vagninn einstakan. Vagninum fylgja alls konar aukahlutir sem sjá nýbökuðum foreldrum fyrir öllu því helsta.
Það ætti að vera þægilegt að keyra lúxuskerruna, enda er það einn helsti bílaframleiðandi heims sem kemur að hönnuninni. Einnig er mikið lagt í útlitið eins og við var að búast. Barnavagnar frá Silver Cross hafa verið gríðarlega vinsælir alla tíð, en fyrirtækið var stofnað árið 1877. Silver Cross-vagnar fást hér á landi en það er þó
...