![Icelandair hefur verið með varnir sem nema 40-60% af notkun.](https://cdni.mbl.is/m2/5Bh9FuKqkzwQnrZ65uSKrC5vYPw=/fit-in/1024x0/myndir/gagnasafn/2022/02/16/GRD17C2PP.1_1270877.jpg)
Flugrekstur Icelandair Group er enn með eldsneytisvarnir virkar í bókum sínum en það eru samningar sem gerðir voru fyrir kórónuveirufaraldurinn. Ívar S. Kristinsson, framkvæmdastjóri fjármálasviðs fyrirtækisins, staðfestir þetta og að þetta séu samningar sem fleytt hafi verið inn í framtíðina eftir að faraldurinn setti allan flugrekstur úr skorðum.
Í fjárfestakynningu sem fylgdi nýlegu ársuppgjöri félagsins kemur fram að fyrirtækið geri ráð fyrir að 29% þess eldsneytis sem notað verði á yfirstandandi fjórðungi falli undir þessar varnir og að hlutfallið verði 23% á öðrum ársfjórðungi, en þeir samningar ná yfir kaup á um 20 þúsund tonnum af eldsneyti.
„Þessir samningar festa verðið á þessum hluta í 660 dollurum á tonnið,“ útskýrir Ívar.
Samkvæmt því nýtur Icelandair góðs af samningunum enda tonnið á u.þ.b. 870 dollara um þessar mundir. Munar þar 25%. Ívar segir engar ákvarðanir hafa verið teknar
...