Jóna Gréta Hilmarsdóttir
jonagreta@mbl.is
„Mig langaði að gera fallega bók og sýningu sem sýnir bæði fegurðina og ljótleikann í lífinu en mér finnst mikilvægt að horfa á báðar hliðar,” segir Hlynur Pálmason, myndlistar- og kvikmyndagerðarmaður, sem sendi nýlega frá sér ljósmyndabókina Harmljóð um hest. Í bókinni er að finna 80 ljósmyndir sem teknar eru yfir þriggja ára tímabil og sýna rotnunarferli hests í síbreytilegu umhverfi. Sýning á ljósmyndunum stendur opin í Ljósmyndasafni Reykjavíkur en þar sýnir hann einnig vídeóinnsetningu, beinagrindina og kassann sem hesturinn er nú geymdur í. Að sögn Hlyns er sýningin frekar upplifun á meðan bókin er yfirlit yfir allar myndirnar.
Ljósmyndasýningin sem gengur undir sama nafni, Harmljóð um hest, var fyrst sett upp í Svavarssafni árið 2022. Sýningin hefur tekið breytingum en að sögn Hlyns var sú sýning meira eins og forsýning. Hann segir
...