Sigurður Flosason og Cathrine Legardh.
Sjöttu tónleikar sumardjasstónleikaraðar Jómfrúarinnar við Lækjargötu verða haldnir í dag kl. 15. Í þetta sinn flytur kvintett dönsku söngkonunnar Cathrine Legardh og saxófónleikarans Sigurðar Flosasonar þekkt jazzlög í bland við eigin efni, en þau hafa unnið saman um árabil. Auk þeirra leika Anna Gréta Sigurðardóttir á píanó, Birgir Steinn Theódórsson á kontrabassa og Einar Scheving á trommur. Aðgangur að tónleikunum er ókeypis.