Anna María Baldursdóttir, fyrirliði og varnarmaður Stjörnunnar, var besti leikmaður 11. umferðar Bestu deildar kvenna í fótbolta að mati Morgunblaðsins.
Anna María átti mjög góðan leik í vörn Garðabæjarliðsins þegar það vann langþráðan sigur, 1:0, gegn Keflavík á heimavelli. Hún fékk tvö M fyrir frammistöðu sína hjá Morgunblaðinu og var eini leikmaðurinn sem fékk þá einkunn í umferðinni.
Í fámennum hópi
Anna María er 29 ára gömul og komst fyrir skömmu í fámennan hóp íslenskra knattspyrnukvenna sem hafa spilað 200 leiki í efstu deild hér á landi. Hún var 20. leikmaðurinn frá upphafi til að ná þeim áfanga.
Anna hefur leikið með Stjörnunni allan sinn feril og er fjórði leikjahæsti leikmaður félagsins í efstu deild með 204 leiki, á
...