Nýja Alþýðufylkingin, bandalag vinstriflokka í Frakklandi, er sigurvegari þingkosninganna þar í landi eftir að síðari umferð þeirra lauk klukkan 20 í gærkvöldi að frönskum tíma með mestu kosningaþátttöku franskra kjósenda í meira en fjóra tugi ára
![Jean-Luc Mélenchon](/myndir/gagnasafn/2024/07/08/9c1e74a2-5fe8-4ef6-98f0-0bdde0b04a26.jpg)
Jean-Luc Mélenchon
Atli Steinn Guðmundsson
atlisteinn@mbl.is
Nýja Alþýðufylkingin, bandalag vinstriflokka í Frakklandi, er sigurvegari þingkosninganna þar í landi eftir að síðari umferð þeirra lauk klukkan 20 í gærkvöldi að frönskum tíma með mestu kosningaþátttöku franskra kjósenda í meira en fjóra tugi ára.
Þegar Morgunblaðið fór í prentun í gærkvöldi stóðu leikar þannig, samkvæmt kosningavöku franska dagblaðsins Le Mond, að Alþýðufylkingin hafði hlotið 176 sæti á franska þinginu, Endurreisnarflokkur Emmanuels Macrons forseta 154 sæti og Þjóðfylking þeirra Marine Le Pen og Jordans Bardella 140. Langt á eftir vermdi svo Repúblikanaflokkurinn fjórða sætið með 45 sæti.
„Þetta er gríðarlegur léttir fyrir þjóðina,“ sagði Jean-Luc Mélenchon, leiðtogi
...