Tríó Sól fjölbreytt leikur kammerverk fyrir tvær fiðlur og víólu á sumartónleikum Listasafns Sigurjóns Ólafssonar annað kvöld, þriðjudagskvöldið 16. júlí. Nefna þær dagskrána „Fuglasöngur og serenöður“. Tríó Sól skipa fiðluleikararnir Emma Garðarsdóttir og Sólrún Ylfa Ingimarsdóttir og Þórhildur Magnúsdóttir víóluleikari. Tríóið leggur áherslu á samtíma- og þjóðlagatónlist en tónverkarófið fyrir þessa hljóðfærasamsetningu er heldur takmarkað. Á þessum tónleikum flytja þær verkið O3, sem Ingibjörg Ýr Skarphéðinsdóttir samdi fyrir tríóið í fyrra, ásamt verkum eftir Ludwig van Beethoven, Max Reger og Zoltán Kodály. Tónleikarnir hefjast að vanda kl. 20.30.