Á Boðnarmiði er Benedikt Jóhannsson með skemmtilega hugleiðingu um hugleiðingar Markúsar Árelíusar keisara, sem hann ritaði m.a. á kvöldin þegar hann var í hernaði:
Keisarinn skráði á kvöldin
án kveinstafa hugleiðing sína,
þótt ófriðleg væri hans öldin
elsku hann þráði að sýna.
Að morgni á fætur hress fór hann
og föðurland sitt svo hann hyllti.
Samlöndum eiðana sór hann
og sveitunum herja upp stillti.
Menn einsýnir eru í stríði,
þeir eiga í heiminum völdin,
svo fyrir því færa rök lýði
og fara með bænir á kvöldin.
...