Hulda Fjóla Hilmarsdóttir fæddist á Akureyri 1. maí 1959. Hún andaðist á krabbameinsdeild Landspítalans við Hringbraut 24. júní 2024.
Foreldrar hennar voru hjónin Sóley Jónsdóttir frá Árskógssandi, f. 1931, d. 2018, og Jón Hilmar Magnússon frá Ási í Glerárþorpi, f. 1925, d. 2023. Þau bjuggu á Akureyri. Fjóla var þriðja í röðinni af sjö systkinum. Hin eru Helga Guðrún, f. 1956, Hanna Björk, f. 1958, Rósa Margrét, f. 1960, Lilja María, f. 1963, Magnús Jón, f. 1965, og Árni Stefán, f. 1966.
Fjóla var mjög fjölhæf og listræn, hún spilaði á fiðlu og var ein af þeim fyrstu sem útskrifuðust frá MA á tónlistarbraut. Hún fór til Englands, bjó þar í nokkur ár og lærði hönnun. Hún vann m.a. á saumastofu Þjóðleikhússins. Seinni árin vann hún sjálfstætt, m.a. fór hún margar ferðir til Færeyja og var með prjónanámskeið sem voru mjög vel sótt. Fjóla var mjög
...