![](/myndir/gagnasafn/2024/07/17/9baa662f-1c33-4882-b861-6de19f9e1aad.jpg)
Evrópubikarmeistarar Vals í handknattleik karla mæta króatíska liðinu Spacva Vinkovci í umspilsleikjum um sæti í riðlakeppni Evrópudeildarinnar og er leikið í lok ágúst og byrjun september. Karlalið Hauka mætir Cocks frá Finnlandi í 2. umferð Evrópubikarsins í október en kvennalið Hauka leikur við Eupen frá Belgíu í 2. umferð Evrópubikars kvenna. Þá leika Valskonur í þeirri sömu keppni gegn Zalgiris Kaunas frá Litáen og er spilað í október.