Hagfræðiprófessor og fyrirtæki í hótel- og gistiþjónustu (FHG) setja spurningarmerki við að efnahagslegur ávinningur af komum skemmtiferðaskipa til Íslands hafi numið 40 milljörðum króna á síðasta ári, líkt og segir í skýrslu sem Reykjavík Economics (RE) vann fyrir Faxaflóahafnir. Ávinningurinn mun hafa verið metinn meðal annars út frá hafnargjöldum, flugfargjöldum, neyslugjöldum auk fleiri þátta.
Þegar skýrslan var kunngerð í lok maí sagði Sigurður Jökull Ólafsson markaðsstjóri Faxaflóahafna hagnaðinn sýna svart á hvítu mikilvægi þessa hóps ferðamanna fyrir atvinnugreinina.
Áhöld um aðferðafræði skýrslunnar
Í skýrslu RE kemur fram að farþegar skemmtiferðaskipa hafi eytt á bilinu 22 til 30 milljörðum króna í landi og útreikningar bendi til að skiptifarþegar, sem eru þeir ferðamenn sem koma til landsins með flugi, eyði um
...