Kjartan Magnússon
Landvarnir eru frumskylda hvers ríkis. Við Íslendingar höfum ekki her en leysum varnarþörf okkar með aðild að Atlantshafsbandalaginu, NATO. Í stofnsáttmála þess er kveðið á um að verði eitt bandalagsríki fyrir utanaðkomandi árás, séu hin skuldbundin til að koma til hjálpar. Í ótryggum heimi er ómetanlegt fyrir smáþjóð eins og Íslendinga að geta tryggt varnir sínar með slíkum hætti.
Friður er ekki sjálfsagður
Enski sagnfræðingurinn A.J.P. Taylor taldi að í raun hefðu Evrópubúar notið friðar í álíka langan tíma og þeir hefðu átt í ófriði og að þeir ættu friðarskeiðin valdajafnvægi að þakka. Á hinum skammvinnu og ótryggu friðartímum hlóðst upp spenna, sem fyrr eða síðar var losað um með stríðsrekstri og mannfórnum.
Þetta var gangur sögunnar allt þar til NATO
...