Tilkynningum um mansal fjölgar

Fleiri mansalstengd mál hafa komið á borð vinnustaðaeftirlits Alþýðusambands Íslands það sem af er ári en á síðustu árum. Saga Kjartansdóttir, sérfræðingur á lögfræði- og vinnumarkaðssviði ASÍ, segir ástæðuna mikla umjöllun um mál veitingastaðanna WokOn og Pho upp á síðkastið.

Hún segir að bæði sé um að ræða fjölgun á tilkynningum frá almenningi en sérstaklega frá fórnarlömbum, fólki sem starfi enn í slíkum aðstæðum.