Gátan er sem endranær eftir Pál Jónasson í Hlíð:
Skýlir litlu ljósi það.
Líka tíma mælir það.
Stundum er í auga það.
Oft er gestum boðið það.
Lausnarorðið er glas, segir Úlfar Guðmundsson:
Lampaglasið stendur stillt.
Stundaglasið rennur út.
Hrossið glaseygt heldur villt.
Hellt í glas það léttir sút.
Guðrún Bjarnadóttir á þessa lausn:
Um olíulampaljós er glas.
Líka er stundaglas með bras.
Glaseyg sinni svona málum.
Síðan þigg í glas, við skálum!
Helgi R. Einarsson leysir
...