Með því að verða enskur meistari í knattspyrnu vorið 1981 vann Aston Villa sér inn þátttökurétt í Evrópukeppni meistaraliða um haustið. Sú vegferð varð eftirminnileg.
„Við vorum býsna heppnir að fá fyrst íslenska liðið Val,“ rifjar Dennis Mortimer, fyrirliði Villa-liðsins upp, öllum þessum árum síðar. „Það gaf okkur tækifæri til að keyra þetta Evrópuævintýri strax í gang. Við hefðum nefnilega auðveldlega getað dregist á móti Liverpool, Juventus eða Bayern München, eins og reglurnar voru þá. Fyrri leikurinn var á heimavelli og við unnum auðveldan sigur, 5:0. Ég minnist þess að hafa lesið ummæli eftir formann Vals eftir leikinn: „Jæja, þeir unnu okkur svo sem en bíðið bara þangað til við tökum á móti þeim heima.“ Ég átta mig ekki á því hvort hann var að tala um þær erfiðu aðstæður sem biðu okkar eða hvort þeir
...