![](/myndir/gagnasafn/2024/07/22/4a9de1fd-0c89-4e96-aca4-08e26db8c14a.jpg)
Knattspyrnumaðurinn Davíð Ingvarsson er kominn aftur í Breiðablik frá danska liðinu Kolding. Davíð, sem er bakvörður, hefur leikið 93 leiki með Breiðabliki. Hann samdi við Kolding í febrúar síðastliðnum en rifti samningi sínum við félagið vegna skorts á tækifærum með liðinu. Samningur Davíðs gildir til ársins 2026.
Ísland hafnaði í sjöunda sæti Evrópumóts U20 ára landsliða í handbolta eftir sigur á Noregi, 32:29, í Slóveníu í gær. Ísland tapaði fyrir Svíþjóð á föstudaginn og Noregur tapaði fyrir Austurríki. Liðin mættust því í leik um sjöunda sætið og reyndist íslenska liðið sterkara. Reynir Þór Stefánsson fór enn einu sinni á kostum í liði Íslands og skoraði 11 mörk. Össur Haraldsson skoraði átta og Elmar Erlingsson sex.
Knattspyrnukonan María Catharina Ólafsdóttir Gros
...