Andrea Sigurðardóttir
andrea@mbl.is
Hildur Ýr Viðarsdóttir, hæstaréttarlögmaður og formaður Húseigendafélagsins, telur hætt við að þær breytingar sem gerðar voru á húsaleigulögum undir lok þings og taka gildi 1. september séu ekki til þess fallnar að ná markmiðum frumvarpsins um húsnæðisöryggi og aukna réttarvernd leigjenda. Þær ríku skyldur sem lagðar eru á herðar leigusölum geti haft neikvæð áhrif á framboð leiguhúsnæðis. Hún hvetur leigusala til að kynna sér breytingarnar vel.
„Með þessum breytingum er verið að leggja miklar skyldur á leigusala og það er verið að takmarka eignarrétt þeirra. Ég þekki dæmi þess að leigusalar og minni fyrirtæki sem eru með íbúðarhúsnæði í útleigu séu að skoða stöðuna og hugsa um að draga saman seglin,“ segir Hildur Ýr í Dagmálum Morgunblaðsins.
...