![](/myndir/gagnasafn/2024/07/23/08b7fea9-0d41-48a0-aacf-31ed7f07a37b.jpg)
Ólympíueldurinn er kominn til Parísar og hlaupið hefur verið með hann um hin ýmsu hverfi borgarinnar. Eldurinn, sem að vanda var tendraður í Grikklandi í vor, kom til Frakklands 8. maí og var hlaupið með hann um landið. Ólympíuleikarnir hefjast á föstudagskvöldið og þá verður eldurinn tendraður á leikvanginum og logar þar á meðan leikarnir standa yfir. Handboltastjarnan Nikola Karabatic er meðal þeirra sem handleikið hafa kyndilinn undanfarna daga.