![Skjálfti Jarðskjálftarnir urðu norðvestur af Torfajökli.](/myndir/gagnasafn/2024/07/24/0daf62bc-f111-4050-b3ca-a97f4a0f24b4.jpg)
Skjálfti Jarðskjálftarnir urðu norðvestur af Torfajökli.
— Kort/map.is
Tveir jarðskjálftar mældust norðvestur af Torfajökli í gær, á vesturmörkum Torfajökulsöskjunnar. Fyrsti skjálftinn mældist 1,5 að stærð og fljótlega á eftir varð annar stærri skjálfti upp á 2,9. Þetta segir Ingibjörg Andrea Bergþórsdóttir, náttúruvársérfræðingur hjá Veðurstofu Íslands, í samtali við mbl.is. Hún segir ekkert óeðlilegt sé við það að skjálftar mælist á þessu svæði. Rúmt ár er liðið síðan greint var frá því að landris hefði mælst í Torfajökulsöskjunni.