![Aðalmarkvörður Elías Rafn Ólafsson hélt hreinu í Andorra.](/myndir/gagnasafn/2024/07/24/bd7904d4-fd7b-410b-87c3-0e4ad4463522.jpg)
Aðalmarkvörður Elías Rafn Ólafsson hélt hreinu í Andorra.
— Ljósmynd/Alex Nicodim
Markvörðurinn Elías Rafn Ólafsson hélt hreinu þegar að lið hans Midtjylland frá Danmörku sigraði UE Santa Coloma frá Andorra, 3:0, í fyrri leik liðanna í annarri umferð undankeppni Meistaradeildarinnar í knattspyrnu í Andorra í gærkvöldi. Elías Rafn er aðalmarkvörður Midtjylland en hann var á láni hjá Mafra í portúgölsku B-deildinni á síðustu leiktíð. Hann tók stöðuna í liðinu af reynsluboltanum Jonas Lössl sem fékk nýtt starf innan félagsins.