París 2024
Jóhann Ingi Hafþórsson
johanningi@mbl.is
Þótt Ólympíuleikarnir í París verði ekki formlega settir fyrr en á morgun fóru fyrstu viðburðir leikanna fram í gær er keppni í fótbolta og rúgbí í karlaflokki hófst. Í dag verður síðan rúgbíkeppninni haldið áfram og handbolti og fótbolti í kvennaflokki fer af stað, auk einstaklingskeppni kvenna í bogfimi.
Cloé Eyja Lacasse verður fyrsti Íslendingurinn sem keppir fyrir aðra þjóð til að fá tækifæri til að láta ljós sitt skína á leikunum. Cloé verður í eldlínunni með kanadíska landsliðinu í fótbolta gegn því nýsjálenska klukkan 15. Cloé bjó í Vestmannaeyjum í fimm ár, frá 2015 til 2019, og var einn besti leikmaður Íslandsmótsins er hún raðaði inn mörkum fyrir ÍBV. Hún fékk síðan íslenskan ríkisborgararétt og bætti við Eyja í
...