![Aðalsteinn Ingólfsson](/myndir/gagnasafn/2024/07/25/49c59a5f-60a8-4172-a9b1-84ef4e8caaaa.jpg)
Aðalsteinn Ingólfsson
Útgerðarfélagið Skinney-Þinganes býst við að fá nýtt uppsjávarskip afhent í október eða nóvember á næsta ári. Þetta segir Aðalsteinn Ingólfsson, forstjóri Skinneyjar-Þinganess, í samtali við Morgunblaðið.
Nokkur seinkun hefur orðið á afhendingu skipsins en upphaflega var gert ráð fyrir að skipið yrði afhent á þessu ári. Aðspurður gat Aðalsteinn ekki sagt hver skýringin væri á þessum drætti á afhendingunni. Hann segir að á síðasta ári hafi verið samið um seinkunina.
Skipið fær nafnið Ásgrímur Halldórsson SF 250 og er í smíðum hjá skipasmíðastöðinni Karstens Skibsværft A/S í Póllandi. Samkvæmt vefsíðu útgerðarfélagsins verður skipið síðan dregið til Danmerkur í maí á næsta ári þar sem lokið verður við smíði skipsins.