Ingólfur Ómar sendi mér póst og segir: Það virðist ekki vera neitt lát á rigningunni og það rifjaðist upp fyrir mér vísa, sem ég orti fyrir nokkrum árum:
Vætudögum fjölga fer
flóir vatn um götu.
Hellidemba úti er
eins og hellt úr fötu.
Ólympíuleikarnir eru að hefjast í París, skrifar Helgi R. Einarsson og bætir við: Ekki er öll vitleysan eins!:
Menn ýmislegt láta sér lynda
í lífinu t.a.m.
fólk sem er hólpið
má fara í skólpið
af Signubökkum og synda.
Njótum íslenska vatnsins!
Davíð Hjálmar Haraldsson segir á einum stað: Við Laugarvatn er gott að gista í logninu og
...