ÍR og Keflavík styrktu stöðu sína í efri hluta 1. deildar karla í fótbolta í gærkvöld, Njarðvík missti af stigum á heimavelli og Grótta vann langþráðan sigur eftir sjö töp í röð. ÍR-ingar, sem hafa komið gríðarlega á óvart, lögðu Leikni í…
Breiðholt ÍR-ingar eru flestum að óvörum í toppbaráttu 1. deildar en þeir eru nýliðar í deildinni og var af flestum spáð erfiðu tímabili.
— Morgunblaðið/Kristinn Magnússon
ÍR og Keflavík styrktu stöðu sína í efri hluta 1. deildar karla í fótbolta í gærkvöld, Njarðvík missti af stigum á heimavelli og Grótta vann langþráðan sigur eftir sjö töp í röð.
ÍR-ingar, sem hafa komið gríðarlega á óvart, lögðu Leikni í Breiðholtsslag, 1:0, þar sem Guðjón Máni Magnússon skoraði sigurmarkið. Leiknir er þar með kominn í fallsæti.
Grótta skoraði tvívegis undir lokin og vann Grindavík 3:1. Kristófer Orri Pétursson, Pétur Theódór Árnason og Gabríel Hrannar Eyjólfsson skoruðu fyrir Gróttu en Josip Krznaric fyrir Grindavík.
Keflvíkingar unnu góðan sigur á Aftureldingu í Mosfellsbæ, 3:1. Edon Osmani, Mihael Mladen og Valur Þór Hákonarson skoruðu fyrir Keflavík en Georg Bjarnason fyrir
...