Karl Guðmundur Jeppesen fæddist í Reykjavík 29. júlí 1944 og ólst upp fyrstu fjögur árin á Reynimel í vesturbænum. Þá flutti fjölskyldan inn í Laugarnes og Karl gekk þar í Laugarnesskóla. „Þetta var mikill ævintýraheimur og stutt í stórar fiskverksmiðjur við Kirkjusand og niður við Laugarnestanga. Þegar ég var sjö ára fékk ég vinnu við að þurrka saltfisk. Á morgnana fórum við snemma út og breiddum út fiskinn og tókum hann svo saman síðdegis. Þetta gerði maður nokkur sumur á Kirkjusandi þar sem núna er verið að byggja öll fínu húsin."
Karl var ekki gamall þegar hann fór að taka ljósmyndir og það var aðeins tveggja mínútna gangur niður í fjöru. „Þar tók ég myndir af bátum sem höfðu fokið úr Reykjavíkurhöfn og út í fjöruna á Kirkjusandi. Þær myndir á ég ennþá og má segja að þær séu fyrstu almennilegu myndirnar sem ég tók.“
Karl
...