![](/myndir/gagnasafn/2024/07/30/b798bc0d-daf3-4c55-8a43-b7a4b7222b09.jpg)
— Morgunblaðið/Sigurður Bogi
Sæþór Már Hinriksson
saethor@mbl.is
Skipulagsstofnun hefur nú lagt fram álit sitt á umhverfismatsskýrslu Vegagerðarinnar um hringveginn í Mýrdal, þar sem mismunandi valkostir um legu vegarins hafa verið metnir. Að mati Vegagerðarinnar uppfylla valkostir 4 og 4b best markmið framkvæmdarinnar, en Skipulagsstofnun telur valkost 5 heppilegastan. Þetta val á milli valkosta snertir meðal annars umferðaröryggi, áhrif á byggð og umhverfisáhrif.
Vegagerðin vill valkosti 4 eða 4b
Vegagerðin hefur lagt til valkost 4 eða 4b þar sem þessir valkostir uppfylla markmið framkvæmdarinnar best, eru hagkvæmir og hafa minni umhverfisáhrif en valkostir 1 til 3. Í þessum valkostum færist hringvegurinn norður fyrir Vík í Mýrdal, í stað þess að liggja í gegnum þéttbýlið eins og hann gerir núna.
...