![Óperusöngur „Draumurinn er alltaf að koma til Íslands og syngja þar,“ segir Harpa Ósk.](/myndir/gagnasafn/2024/07/31/e4308f6a-209b-4e8b-81f2-8a2d8e6e8040.jpg)
Snædís Björnsdóttir
snaedis@mbl.is
Sópransöngkonan Harpa Ósk Björnsdóttir byrjaði snemma í kór og hefur sungið nánast alla sína ævi. Hún lauk nýverið meistaranámi við Bæversku leiklistarakademíuna August Everding og Tónlistarháskólann í München og hefur þegar hlotið ráðningu sem einn söngvara OperAvenir í óperuhúsinu í Basel. Morgunblaðið sló á þráðinn til Hörpu Óskar og ræddi við hana um tónlistina, lífið og óperuheiminn.
„Ég hef alltaf verið í kór, fyrst hjá mömmu [Heiðrúnu Hákonardóttur] í kór Snælandsskóla og svo í kórum Langholtskirkju. Mér var síðan hálfpartinn ýtt út í söngtíma þegar ég var unglingur og ég man hvað mér fannst frábært að æfa eitthvað sem var svona þægilegt í samanburði við píanónámið sem ég var í samtímis. Ég naut þess mjög að mæta bara í tíma og æfa mig eins og mig lysti. Það
...