Arnar Már Magnússon og Georg Haraldsson hætta hjá Play.
Arnar Már Magnússon hefur látið af störfum sem aðstoðarforstjóri og framkvæmdastjóri flugrekstrarsviðs Play. Hann er einn af stofnendum félagsins. Þá hefur Georg Haraldsson látið af störfum sem framkvæmdastjóri upplýsingatæknisviðs.
Play tilkynnti í gær um breytingar á framkvæmdastjórn félagsins.
Andri Geir Eyjólfsson hefur verið ráðinn framkvæmdastjóri flugrekstrarsviðs (COO) hjá Play og tekur við starfinu af Arnari Má. Sigurður Örn Ágústsson, fv. forstjóri Bláfugls sem í vor var ráðinn framkvæmdastjóri viðskiptaþróunar Play, mun nú gegna stöðu framkvæmdastjóra viðskiptaþróunar- og upplýsingatæknisviðs.