Myndlistarsýningin Himna verður opnuð í SÍM Gallery við Hafnarstræti 16 á morgun, laugardag, klukkan 14. „Á sýningunni eru verk eftir Önnu Jóa, Huldu Ágústsdóttur og Ragnheiði Guðbjargar Hrafnkelsdóttur
![Anna Jóa](/myndir/gagnasafn/2024/08/02/233a6c89-70a6-42e7-821c-d59b4faa389f.jpg)
Anna Jóa
Myndlistarsýningin Himna verður opnuð í SÍM Gallery við Hafnarstræti 16 á morgun, laugardag, klukkan 14.
„Á sýningunni eru verk eftir Önnu Jóa, Huldu Ágústsdóttur og Ragnheiði Guðbjargar Hrafnkelsdóttur. Listakonurnar vinna í mismunandi miðla og beina sjónum að ásýnd hluta sem tengjast mismunandi rýmum og stöðum og tengslum manns og umhverfis,“ segir í viðburðarkynningu.
Sýningin, sem stendur til 18. ágúst, er opin mánudaga til föstudaga kl. 12-16 og laugardaga kl. 13-17. Rétt er að geta þess að sýningin verður opin mánudaginn 5. ágúst, þ.e. á frídegi verslunarmanna.