Verulegur titringur var á japönskum hlutabréfamarkaði á mánudag og veiktist Nikkei-vísitalan um 12,4% en vísitalan hefur ekki lækkað svo skarplega á einum degi síðan árið 1987. Greinendur rekja þróunina m.a
![Högg Vegfarandi gengur fram hjá upplýsingaskilti eftir lokun markaða á mánudag. Nikkei lækkaði um 4.451 stig og endaði í 31.458 stigum.](/myndir/gagnasafn/2024/08/06/ff42b1d4-6fdb-44f9-96dd-2a80bdc838de.jpg)
Högg Vegfarandi gengur fram hjá upplýsingaskilti eftir lokun markaða á mánudag. Nikkei lækkaði um 4.451 stig og endaði í 31.458 stigum.
— AFP/Richard A. Brooks
Ásgeir Ingvarsson
ai@mbl.is
Baksvið
Ásgeir Ingvarsson
ai@mbl.is
Verulegur titringur var á japönskum hlutabréfamarkaði á mánudag og veiktist Nikkei-vísitalan um 12,4% en vísitalan hefur ekki lækkað svo skarplega á einum degi síðan árið 1987.
Greinendur rekja þróunina m.a. til þess að á föstudag bárust þær fréttir frá Bandaríkjunum að hægt hefði á vinnumarkaðinum þar í landi en fjárfestar mátu tíðindin sem svo að vænta mætti minnkandi eftirspurnar eftir japönskum vörum á Bandaríkjamarkaði. Þá hefur japanska jenið styrkst nokkuð skarplega að undanförnu og tók gengið mikinn kipp í lok síðustu viku. Gagnvart bandaríkjadal er jenið núna um það bil 12% sterkara en það var í byrjun júlí með tilheyrandi áhrifum á samkeppnishæfni
...