Sr. Frank M. Halldórsson, fyrrum sóknarprestur í Nessókn í Reykjavík, lést á bráðadeild Landspítalans í Fossvogi 31. júlí sl. 90 ára að aldri. Frank fæddist í Reykjavík 23. febrúar 1934. Foreldrar hans voru Rose Evelyn Halldórsson og Nikulás Marel Halldórsson. Systkini hans eru Betsy R. Halldórsson og Georg S. Halldórsson.
Frank varð stúdent frá MR árið 1954 og las guðfræði við Háskóla Íslands. Hann nam guðfræði í Sviss við The Graduate School of Ecumenical Studies í Chateau de Bossey og við Háskólann í Heidelberg í Þýskalandi. Hann lauk embættisprófi í guðfræði frá Háskóla Íslands í janúar 1959 og prófi í uppeldis- og kennslufræðum frá Háskóla Íslands árið 1971. Kennsluferil sinn hóf hann sem stundakennari við Mýrarhúsaskóla en lengst kenndi hann við Hagaskóla frá árinu 1959 til 1987. Framhaldsnám í sálgæslu stundaði Frank við The University of Texas í Houston í Bandaríkjunum frá árinu 1987 til ársins 1989
...