Guðmundur Karl Jónsson
Síðustu árin hefur Bændablaðið birt greinar um vegagerð yfir hálendið, sem stjórnendur Norðurvegar og nokkrir fyrrverandi landsbyggðarþingmenn leggja áherslu á til að stytta vegalengdina milli Reykjavíkur og Akureyrar. Hjá Náttúruverndarsamtökunum, sem hafa fyrr og síðar hótað málaferlum gegn öllum virkjunarframkvæmdum víða um land, fellur þessi framkvæmd í grýttan jarðveg sem eðlilegt er. Líkurnar á því að Vegagerðin geti haldið þessum vegi opnum, í meira en 700 m hæð um Kjöl, eru einn á móti milljón.
Kostnaðurinn við samfelldan snjómokstur á fjallvegum sem standa 300 metrum neðar yfir sjávarmáli er nógu mikill til að talsmenn fjárveitingavaldsins telji óhjákvæmilegt að setja hnefann í borðið. Vegfarendur geta alveg eins setið uppi með 80-90 metra veðurhæð á sekúndu, ef snjóþyngsli verða ekki stærsta vandamálið á hálendinu,
...