Alvarlegt vinnuslys varð á ellefta tímanum í gærmorgun í Grindavík þegar starfsmaður Ægis sjávarfangs festi hönd í vinnuvél.
Slysið var tilkynnt til lögreglunnar á Suðurnesjum. Fóru viðbragðsaðilar þegar á vettvang og var viðkomandi fluttur á Landspítalann í Fossvogi. Guðmundur P. Davíðsson, framkvæmdastjóri Ægis sjávarfangs, segir að snögglega hafi verið brugðist við vinnuslysinu.
„Það voru komnir sjúkrabílar á svæðið innan nokkurra mínútna, og slökkviliðið og fleiri viðbragðsaðilar. Hinn slasaði er í aðgerð á spítalanum í Fossvogi en viðkomandi slasaðist á hönd,“ sagði Guðmundur við mbl.is.
Slysið talið alvarlegt
Hann kveðst ekki hafa upplýsingar um aðdraganda slysins eða áverkana.
„Slysið er alvarlegt enda skaddaðist
...