Ásýnd hluta, rými, staðir og tengsl manns og umhverfis eru meginviðfangsefni Himnu, nýrrar sýningar í SÍM Gallery við Hafnarstræti. Þar má sjá verk eftir listakonurnar Önnu Jóa, Huldu Ágústsdóttur og Ragnheiði Guðbjargar Hrafnkelsdóttur
![Speglun Hulda er með þrjú verk á sýningunni þar sem hún er að leika með rýmið á skemmtilegan og óvæntan hátt.](/myndir/gagnasafn/2024/08/09/1d669ea5-f66d-40d4-8916-0d82e233e9c6.jpg)
Speglun Hulda er með þrjú verk á sýningunni þar sem hún er að leika með rýmið á skemmtilegan og óvæntan hátt.
— Ljósmynd/María Margrét Jóhannsdóttir
María Margrét Jóhannsdóttir
mariamargret@mbl.is
Ásýnd hluta, rými, staðir og tengsl manns og umhverfis eru meginviðfangsefni Himnu, nýrrar sýningar í SÍM Gallery við Hafnarstræti. Þar má sjá verk eftir listakonurnar Önnu Jóa, Huldu Ágústsdóttur og Ragnheiði Guðbjargar Hrafnkelsdóttur. Allar vinna þær í mismunandi miðla og eru verk þeirra innbyrðis ólík en mynda þrátt fyrir það forvitnilegan samhljóm í annars látlausu sýningarrými.
Sameiginlegur þráður
„Yfirskrift sýningarinnar, Himna, er hugmynd frá Huldu og okkur fannst þetta mjög fallegt orð sem á vel við um verkin. Þó að við vinnum með ólíka miðla og nálgumst hlutina á mismunandi hátt þá er hér líka einhver sameiginlegur þráður sem tengir okkur. Við
...