![Kreml Pútín fundaði með embættismönnum vegna ástandsins í Kúrsk.](/myndir/gagnasafn/2024/08/13/d0f4271b-cc6c-4c7e-8a6d-416285df9052.jpg)
Vladimír Pútín Rússlandsforseti hét því í gær að hefnt yrði fyrir hina óvæntu innrás Úkraínumanna í Kúrsk-hérað, en vika er í dag frá því að innrásin hófst. Pútín sagði á fundi með helstu embættismönnum sínum, sem sýndur var í beinni útsendingu, að meginhlutverk rússneska hersins væri nú að „sparka óvininum“ af rússnesku landi.
Sókn Úkraínumanna þykir hafa komið mörgum á óvart, ekki bara Rússum heldur einnig vestrænum bandamönnum þeirra. Hafa Úkraínumenn náð miklum framgangi í Kúrsk-héraði og sótt fram allt að 30 kílómetra frá landamærunum þar sem þeir hafa náð lengst.
Rússneskir herbloggarar sögðu í gær að Úkraínuher væri nú farinn að grafa skotgrafir og reisa víggirðingar og hersjúkrahús á því svæði sem hann ræður yfir innan Kúrsk-héraðs, sem benti til þess að Úkraínumenn teldu að aðgerðir þeirra
...