Rósa Margrét Tryggvadóttir
rosa@mbl.is
Steinunn Jónsdóttir tónlistar- og fjölmiðlakona hefur í mörgu að snúast en hún gaf nýverið út glænýtt og grípandi reggílag ásamt eiginmanni sínum Gnúsa Yones, sem á vel við um þessar mundir en lagið heitir Á köldum kvöldum. Það er fyrsta lagið á komandi plötu hjónanna sem Steinunn segir sjálf að sé alveg í takt við það sem þau hafa áður gert með hljómsveitinni vinsælu Amabadama en hún lagðist í dvala fyrir nokkrum árum.
„Þetta á sér allt sama samnefnara sem er hann Gnúsi minn og hans ryþmasmíði,“ segir Steinunn í samtali við K100 og Morgunblaðið.
Steinunn er þekkt fyrir færni í textasmíðum en hún kennir einmitt texta- og lagasmíðaáfanga í Fellaskóla og hefur haldið rapp- og lagasmiðjur víðsvegar um landið. Hún
...