![Guðni Ágústsson](/myndir/gagnasafn/2024/08/15/ef55e488-5968-4379-930b-292b097a6f71.jpg)
Guðni Ágústsson
Það bar til um þessar mundir að Viðskiptaráðið lagði til að rústa bæri íslenskum landbúnaði. Var þetta nú í þrítugasta sinn sem ráðið lagði þetta til við stjórnvöld landsins á eitt hundrað ára ferli sínum. Alltaf gerist þetta með sama hætti, á svona þriggja ára fresti, að boðberi ráðsins gengur fram og hefur reiknað út alveg svakalegan gróða af því að Ísland eitt legði niður tolla á landbúnaðarvörum. Alltaf fer sama hringrásin í gang, tíðindin fara til fjölmiðlanna og þeir hafa gullfiskaminni og taka að ræða málið og kalla til spekinga og stjórnmálamenn og spyrja álits á vísdómnum. Svo kemur alltaf æðstiprestur frelsissamtakanna fram, „séra“ Ólafur Stephensen, eins og ég kalla hann. Ólafur er Óðinn og honum fylgja úlfar tveir, Geri og Freki, hann mætir í fjölmiðlana og hefur aldrei áður heyrt annan eins frelsisboðskap og fer með fimbulljóðin. Með sinni silkimjúku
...