Blómahátíð Tívolítækin í Hveragerði voru sum nokkuð ógnvænleg.
— Morgunblaðið/Hákon
Árlega fjölskyldu- og menningarhátíðin Blómstrandi dagar fór fram í Hveragerði um helgina.
Hátíðin stóð yfir frá fimmtudegi til sunnudags og var hápunkti hátíðarinnar náð á laugardeginum þegar Kjörísdagurinn fór fram. Þar gafst gestum tækifæri á að bragða á hinum ýmsu bragðtegundum.
Á laugardagskvöldinu var svo blásið til tónleika í Lystigarðinum og blómaball haldið í íþróttahúsinu í Hveragerði.