![Saurbær Hallgrímskirkja var reist til minningar um sálmaskáldið.](/myndir/gagnasafn/2024/08/20/33d455f7-74b3-45e1-90e9-20dbbc9d32b1.jpg)
Í tilefni af 350. ártíð sálmaskáldsins Hallgríms Péturssonar verður afhjúpaður minningarsteinn um Hallgrím og konu hans Guðríði Símonardóttur á leiði Hallgríms í Saurbæjarkirkjugarði í Hvalfirði í dag, þriðjudaginn 20. ágúst, klukkan 17.
Fram kemur á vef þjóðkirkjunnar að Guðmundur Rafn Sigurðsson, fráfarandi framkvæmdastjóri kirkjugarðaráðs, hafi stýrt verkefninu. Steininn gerði Þór Sigmundsson steinsmiður.
Áletrun á steininum er gerð samkvæmt tillögu sr. Karls Sigurbjörnssonar, fyrrverandi biskups Íslands. Áletrunina teiknaði Gunnar Karlsson.
Hollvinafélag Hallgrímskirkju í Saurbæ safnaði styrkjum sem standa undir öllum kostnaði við gerð steinsins og við flutning gamla steinsins af leiði Hallgríms inn í kirkjuna þar sem honum hefur verið fundinn staður til
...