Skólahundurinn Trausti er sérþjálfaður til að styðja við og starfa með skólabörnum og hefur á síðustu árum notið mikilla vinsælda meðal nemenda í Fossvogsskóla. Hann hefur nú til viðbótar fengið skólavist í Langholtsskóla í vetur og mætir í skólann á mánudaginn
![Vinir Gunnar Jarl ásamt hundinum Trausta í garðinum heima í gær, tilbúnir í skólastarfið í Langholtsskóla.](/myndir/gagnasafn/2024/08/20/6bb78cc8-b4a2-4301-b0b6-eac64554ba9f.jpg)
Vinir Gunnar Jarl ásamt hundinum Trausta í garðinum heima í gær, tilbúnir í skólastarfið í Langholtsskóla.
— Morgunblaðið/Eyþór
Ómar Friðriksson
omfr@mbl.is
Skólahundurinn Trausti er sérþjálfaður til að styðja við og starfa með skólabörnum og hefur á síðustu árum notið mikilla vinsælda meðal nemenda í Fossvogsskóla. Hann hefur nú til viðbótar fengið skólavist í Langholtsskóla í vetur og mætir í skólann á mánudaginn.
Heilbrigðisnefnd Reykjavíkur heimilaði á dögunum að hundurinn mætti koma í Langholtsskóla einn dag í viku og dvelja þar í sex stundir í senn með börnunum í afmörkuðu rými undir stjórn Gunnars Jarls Jónssonar, kennara við skólann.
Hefur reynst mjög vel
Gunnar Jarl og eiginkona hans, Helga Helgadóttir deildarstjóri stoðþjónustu í Fossvogsskóla, eru eigendur Trausta og hafa alið hann upp og þjálfað til að vera með börnum í skólastarfi.
...