![Mugison við Sprinterinn góða. Hann segir það ekki hafa tekið langan tíma að venjast ferðabílalífstílnum.](/myndir/gagnasafn/2024/08/20/5176ba06-99bd-4291-a0fd-24a69b81be2a.jpg)
Ásgeir Ingvarsson
ai@mbl.is
Tónlistarmaðurinn ástkæri Mugison er þessa dagana á tónleikaferð um landið og er stefnan sett á að spila í 100 kirkjum í 100 póstnúmerum áður en árið er á enda. Þegar þetta er skrifað þræðir Mugison sveitakirkjurnar á Eyjafjarðarsvæðinu en verkefnið heldur áfram með hléum á komandi mánuðum og fara síðustu tónleikarnir fram í desember.
Mugison til halds og trausts er allgóð Mercedes-Benz Sprinter-smárúta sem hann hefur innréttað eftir eigin höfði og þjónar bæði hlutverki ferðabíls og listamannaseturs. Það má heyra á Mugison að hann hefur afskaplega gaman af þessum fararmáta þó að í bifreiðinni sé hvorki klósett né ísskápur.
„Þegar ég byrjaði tónlistarferilinn fyrir um það bil tuttugu árum þá fannst mér það geggjuð lausn að vera einfaldlega
...