![Bardagar Skotið úr úkraínskum bryndreka af gerðinni BRM1k í átt að víglínunni í Donetsk-héraði.](/myndir/gagnasafn/2024/08/20/a176c0ea-395f-4d8f-b965-444459dd5c9b.jpg)
Stefán Gunnar Sveinsson
sgs@mbl.is
Volodimír Selenskí Úkraínuforseti fagnaði í gær árangri Úkraínuhers í Kúrsk-héraði, og sagði að herinn væri að ná öllum markmiðum sínum með sókninni. Sagði Selenskí að þau markmið fælu meðal annars í sér að dreifa herafla Rússa, búa til „stuðpúða“ innan landamæra Rússlands og tryggja sanngjörn endalok stríðsins.
Úkraínumenn ráða nú yfir um 1.250 ferkílómetrum af Kúrsk-héraði og um 98 þéttbýlisstöðum þar, að sögn Selenskís, en Úkraínumenn hafa nú einnig náð að sprengja þrjár brýr yfir Sejm-fljótið, sem rennur í gegnum héraðið. Er fljótið talið mynda náttúrulega varnarlínu innan Kúrsk-héraðs.
Selenskí sagði jafnframt að Úkraínumenn þyrftu nú einungis leyfi frá bandamönnum sínum til þess að beita langdrægum vopnum innan
...