Alfons Sampsted landsliðsmaður í knattspyrnu skipti á dögunum úr Twente í efstu deild Hollands og til Birmingham í C-deild Englands. Birmingham féll á síðustu leiktíð og ætlar sér beint aftur upp í B-deildina
![England Alfons Sampsted er orðinn leikmaður enska félagsins Birmingham City sem leikur í C-deildinni.](/myndir/gagnasafn/2024/08/20/3b153a26-09e3-47bc-9997-df69a8258ed8.jpg)
England Alfons Sampsted er orðinn leikmaður enska félagsins Birmingham City sem leikur í C-deildinni.
— Ljósmynd/Birmingham City
England
Jóhann Ingi Hafþórsson
johanningi@mbl.is
Alfons Sampsted landsliðsmaður í knattspyrnu skipti á dögunum úr Twente í efstu deild Hollands og til Birmingham í C-deild Englands. Birmingham féll á síðustu leiktíð og ætlar sér beint aftur upp í B-deildina.
Félagið hefur fengið til sín marga leikmenn fyrir nýhafið tímabil, en Willum Þór Willumsson gekk í raðir Birmingham stuttu á undan Alfons. Bakvörðurinn var lánaður til Birmingham, en verður keyptur alfarið eftir tímabilið.
„Þetta eru í rauninni lánsskipti með skyldu til að kaupa mig. Það var eitthvað sem félögin ákváðu sín á milli, að hafa þetta sem lán. Þeir verða að kaupa mig, svo lengi sem við föllum ekki. Í grunninn má segja að þetta séu félagaskipti frekar
...