![Heimkaup hafa selt rafrænar kennslubækur fyrir háskólastigið.](/myndir/gagnasafn/2024/08/21/c5429c65-86e3-41b1-815a-5c7f9be93131.jpg)
Sigurður Pálsson, verkefnisstjóri rafrænna kennslubóka fyrir háskólastigið hjá Heimkaupum, segir í samtali við ViðskiptaMoggann að nýir samningar við birgja þýði að Heimkaup geti nú boðið rafræn kennslugögn á 15-20% lægra verði en á sama tíma í fyrra. Þá hafi leiguvalkostum verið fjölgað umtalsvert í sömu samningum. Verðlækkunin endurspeglast líka í leigutitlunum að sögn Sigurðar.
Hann segir að Heimkaup bjóði nemendum háskóla að kaupa rafrænar bækur en einnig að leigja til lengri og styttri tíma. Sumar háskólabækurnar nýtast framhaldsskólanemendum sömuleiðis í ákveðnum fögum. Sem dæmi er hægt að kaupa bók sem kostar um 15.000 kr. prentuð á 7.500 kr. í rafrænu formi. Þá er hægt að leigja hana á rúmar fimm þúsund krónur í sex mánuði.
„Eftir því sem bókin er með styttri líftíma er hún ódýrari,“ segir Sigurður. Á móti kemur að nemendur
...